உருளைக்கிழங்குக்குள் இரட்டை படுக்கை கொண்ட விடுதி அமெரிக்காவில் அமைக்கப்பட்டுள்ளது.
அமெரிக்காவில் 2012 ஆம் ஆண்டு மிகப் பெரிய உருளைக்கிழங்கு விளைவிக்கப்பட்டு தற்போது அது இரட்டை படுக்கை கொண்ட சிறிய தங்கும் விடுதியாக அமைக்கப்பட்டுள்ளது.
அமெரிக்காவின் இடாகோ மாகாணத்தில் தலைநகர் போய்சில் உருளைக்கிழங்கு பயிரிடுவதை ஊக்குவிக்கும் விதமாக, கடந்த 2012 ஆம் ஆண்டு மிகப் பெரிய உருளைக்கிழங்கு விளைவிக்கப்பட்டது.
28 அடி நீளம் மற்றும் 12 அடி அகலத்தில் 6 தொன் எடையுடன் காணப்படும் இந்த உருளைக் கிழங்கு உலகிலேயே மிகப் பெரிய உருளைக்கிழங்காக அறியப்பட்டது.
பின்னர் மக்களின் பார்வைக்காக இந்த உருளைக்கிழங்கு இராட்சத பாரவூர்தி மூலம் அமெரிக்கா முழுவதும் சுற்றிவந்தது. கடந்த ஆண்டு இறுதியில் இந்த சுற்றுப்பயணம் முடிந்தது.
இந்த நிலையில், தற்போது இந்த உருளைக் கிழங்கு இரட்டைப் படுக்கை கொண்ட சிறிய தங்கும் விடுதியாக மாற்றப்பட்டுள்ளது.
உருளைக்கிழங்கை குடைந்து உருவாக்கப்பட்ட இந்த தங்கும் விடுதியில், சொகுசு இருக்கைகள், படுக்கை மற்றும் கழிவறை என அனைத்து வசதிகளும் உள்ளன. இது பார்வையாளர்களை வெகுவாகக் கவர்ந்து வருகிறது.
இந்த விடுதியில் ஒரு நாள் தங்குவதற்கு 200 டொலர் வசூலிக்கப்படுகிறது. அப்படி இருந்தும் மே மாதம் முழுவதும் இந்த விடுதி முன்பதிவு செய்யப்பட்டு விட்டதாக அங்கிருந்து வரும் தகவல்கள் தெரிவிக்கின்றன
0 comments:
Post a Comment