அமெரிக்காவானது வர்த்தகம் தொடர்பான பதற்றநிலையை அதிகரிப்பதில் உறுதியாக இருக்குமாயின் கடுமையான பதிலடியை சீனா கொடுக்கும் என சீன வெளிநாட்டு அமைச்சு நேற்று எச்சரித்துள்ளது.
இம் மாதம் இடம்பெறவுள்ள ஜி–20 உச்சிமாநாட்டில் உடன்படிக்கை எதுவும் எட்டப்படாதவிடத்து சீனாவிலிருந்து இறக்குமதி செய்யப்படும் பொருட்கள் மீது மேலதிக சுங்க வரிகளை விதிக்க அமெரிக்கா தயாராகவுள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ள நிலையிலேயே சீன வெளிநாட்டு அமைச்சின் மேற்படி எச்சரிக்கை வெளியாகியுள்ளது.
ஒஸாகா நகரில் இடம்பெறும் அந்த உச்சிமாநாட்டில் சீன ஜனாதிபதி ஸி ஜின்பிங் கைச் சந்தித்துப் பேச்சுவார்த்தை நடத்தத் தான் தயாராகவுள்ளதாக ட்ரம்ப் திரும்பத் திரும்ப தெரிவித்து வருகிறார்.
ஆனால் சீனாவானது அந்த சந்திப்பு தொடர்பில் உறுதிப்படுத்தாது இருந்து வருகிறது.
உலகளாவிய ரீதியில் மிகப் பெரிய பொருளாதார நாடுகள் பங்கேற்கும் அந்த உச்சிமாநாட்டையடுத்து சீனப் பொருட்கள் மீது குறைந்தது 300 பில்லியன் அமெரிக்க டொலர் பெறுமதியான சுங்க வரியை விதிப்பதா இல்லையா என்பதைத் தீர்மானிக்கவுள்ளதாக ட்ரம்ப் கடந்த வாரம் தெரிவித்திருந்தார்.
இந்நிலையில் அவர் நேற்று முன்தினம் திங்கட்கிழமை கருத்து வெளியிடுகையில்,
ஒஸாகாவில் சீன ஜனாதிபதியுடன் இடம்பெற வுள்ள வர்த்தக பேச்சுவார்த்தைக ளின் போது முன்னேற்றம் எதனை யும் எட்ட முடியாவிட்டால் அந்நாட்டு இறக்குமதிகளின் மீது தண்டிக்கும் வகையில் பிறிதொரு சுற்று சுங்கவரிகளை விதிக்கப்போவதாக அச்சுறுத்தல் விடுத்துள்ளார்.
இதனையடுத்து சீன வெளிநாட்டு அமை ச்சின் பேச்சாளர் கெங் ஷுவாங் நேற்று செவ்வாய்க்கிழமை தெரிவிக்கையில்இ சீனா வர்த்தகப் போரில் ஈடுபடுவதை விரும்பவில்லை. ஆனால் வர்த்தகப் போரொன்றில் ஈடுபடுவது குறித்து நாம் அஞ்சவில்லை என்று கூறினார்.
சீனா தராதர அடிப்படையிலான பேச்சுவார்த்தைகளுக்கு தனது கதவைத் திறந்து வைத்துள்ளது என அவர் குறிப்பிட்டார்.
எனினும் ஜி–20 உச்சிமாநாட்டில் ட்ரம்புடன் சீன ஜனாதிபதி பேச்சுவார்த்தைகளில் ஈடு படத் தயாராகவுள்ளாரா என்பது குறித்து அவர் விமர்சனம் எதனையும் வெளியிட வில்லை.
0 comments:
Post a Comment